18:20 - 25.05.2026
25 may, Fineko/abc.az. Dünya Ukrayna və Yaxın Şərqdəki müharibələr fonunda neft böhranı ilə üzləşib. Şanxay Qabaqcıl Tədqiqatlar İnstitutunun (SARI) tədqiqatçıları CO₂ və sudan uzunzəncirli karbohidrogenlər – reaktiv yanacaq komponentləri əldə etmə üsulu hazırlayıblar.
ABC.AZ xəbər verir ki, prosesin əsas elementi dəmir əsaslı, alüminium və kalium əlavəli katalizator (FeAlK8) olub. Bu katalizator CO₂-nin təxminən 49%-ni karbohidrogenlərə çevirməyə imkan verib. Proses 330°C temperaturda və 290 psi təzyiq altında aparılıb, əldə edilən yanacaq isə 800 saatlıq sınaqlarda termal sabitlik göstərib.
Texnologiya hələ ilkin mərhələdədir və sənaye istifadəsinə hazır deyil, lakin CO₂-dən iqtisadi cəhətdən rəqabətqabiliyyətli sintetik yanacaq istehsalına doğru mühüm addım hesab olunur.
