17:05 - 27.01.2026

---

27 yanvar, Fineko/abc.az. Çinin "Anta Sports" şirkəti Almaniyanın idman geyimləri istehsalçısı "Puma"nın ən iri səhmdarına çevriləcək.

ABC.AZ xəbər verir ki, Fransanın milyarder Pino ailəsi özünün "Groupe Artemis" holdinq şirkəti vasitəsilə "Puma"nın 29,06% səhmini 1,5 milyard avro nağd vəsait müqabilində satmağa razılaşıb.

Tərəflərin bir neçə ay ərzində danışıqlar apardığı bu sövdələşmə "Puma"nın kotirovkalarının 8,6% artmasına səbəb olub. İddiaçılar siyahısında Çinin "Li Ning" və Yaponiyanın "Asics" şirkətləri də var idi.

Ötən il "Puma" üçün uğursuz olub: rəqabət və Donald Trampın tətbiq etdiyi tariflər səbəbindən şirkət ciddi maliyyə problemləri ilə üzləşib.