17:01 - 3.12.2025

---

3 dekabr, Fineko/abc.az. Ukraynaya özəl pul köçürmələrinin həcmi oktyabr ayında 7,1% azalaraq 0,7 milyard dollar təşkil edib.

ABC.AZ xəbər verir ki, bunu Ukrayna Milli Bankı bildirir.

Ukraynalıların xaricdən aldıqları əmək haqqı 25,3% azalıb, rəsmi kanallar vasitəsilə daxil olan digər özəl köçürmələr isə 18,3% artıb.

Ümumilikdə rəsmi kanallar üzrə daxilolmalar 2024-cü ilin oktyabr ayı səviyyəsində olub, yalnız 0,9% azalıb, qeyri-rəsmi kanallar vasitəsilə axın isə ötən ilin oktyabr ayı ilə müqayisədə 16,2% azalıb.

Ümumilikdə, 2025-ci ilin yanvar-oktyabr aylarında pul köçürmələri 12,1% azalaraq 7,0 milyard dollar təşkil edib: xalis əmək haqqı 19,8%, özəl transfertlər isə 2,3% azalıb.