11:42 - 14.10.2024

---

14 oktyabr, Fineko/abc.az. “Telegram” Qazaxıstanda ofis açır, bu barədə respublikanın rəqəmsal inkişaf naziri Jaslan Madiyev məlumat verib.

ABC.AZ xəbər verir ki, Qazaxıstan qanunvericiliyinə görə, messencerlərin respublikada nümayəndəsi olmalıdır.

Nazirin sözlərinə görə, ölkə qeyri-qanuni məzmunu dərhal silmək və “destruktiv kanalları” bloklamaq üçün “Telegram” ilə fəal əməkdaşlıq edir.

Sentyabrın 23-də “Telegram”ın təsisçisi Pavel Durov istifadəçi müqaviləsinin yenilənməsini elan edib. İndi messencerin qaydalarını pozanların IP ünvanları və telefon nömrələri “ağlabatan qanuni tələblər” əsasında “müvafiq orqanlara açıqlana bilər”.

“Telegram” messencer olaraq 2013-cü ildə populyarlıq qazanmağa başlayıb.