12:41 - 28.02.2018

---

28 fevral, Fineko/abc.az. Milli Turizm Təbliğat Bürosu, Bakı Nəqliyyat Agentliyi (BNA) və  “PASHA Travel” turizm şirkəti  bu gün, “Baku Card” şəhər kartlarının tətbiqinin başlanması haqqında memorandum imzaladılar.

Memoranduma əsasən, 24 saatlıq kartların qiyməti  35 manat, 72 saatlıq – 60 manat, bir həftəlik kartların qiyməti  isə 90 manat təşkil edəcək.

Birinci mərhələdə bir neçə min kart hazırlanacaq. Kartlar, Bakı Nəqliyyat Agentliyinin, “Bakı Kart” kartları istehsal edən prosessinq mərkəzində hazırlanacaq. 

İmzalanma əsnasında Bakı Nəqliyyat Agentliyinin baş direktorunun müşaviri Mübariz Abbasov deyib ki, layihənin tamamlanması, xüsusilə, statistikanın hesablanması, rentabellik ilə məşğul olacaq, kartın dizaynını hazırlayacaq və s. detalları işləyəcək xüsusi işçi qrupu yaradılacaq.