15:33 - 31.01.2020

---

31 yanvar, Fineko/abc.az. Qəbələdə yeni körpü tikilir.

Azərbaycan Avtomobil Yolları Dövlət Agentliyindən  ABC.AZ-a bildirilib ki, 20 min nəfər əhalinin yaşadığı 11 yaşayış məntəqəsini Qəbələnin mərkəzindən və digər yaşayış məntəqələrindən ayıran, Bum-Tikanlı-Abrıx avtomobil yolunun 2-ci kilometrliyində Bum çayı üzərində yeni körpünün tikintisi və Bum qəsəbəsinə gedən 2 kilometrlik avtomobil yolunun bərpası istiqamətində işlərə başlanılıb.

Agentliyin məlumatına görə, yeni körpünün inşası ilə qonşu kəndlərə rahat gediş-gəlişi təmin olunacaq, bu isə öz növbəsində sözügedən ərazidə kənd təsərrüfatının və turizmin inkişafına gətirib çıxaracaq, yeni turizm marşrutlarının yaranmasına zəmin yaratmaqla əhalinin həyat şəraitinə müsbət təsir etmiş olacaq.