12:38 - 18.09.2026

---

18 sentyabr, Fineko/abc.az. Əmək və Əhalinin Sosial Müdafiəsi Nazirliyi 20 Sentyabr – Dövlət Suverenliyi Günü ərəfəsində şəhid ailələri və müharibə ilə əlaqədar əlilliyi olan şəxslərə MİDA-nın Hövsan Yaşayış Kompleksindən daha 36 mənzil təqdim edib.

4 saylı DOST Mərkəzində keçirilən sənəd təqdimatında nazir müavini Rəşad Mustafayev bildirib ki, Vətən müharibəsindən sonra mənzillə təminat proqramı 5 dəfə genişləndirilib, postmüharibə dövründə 7 300-dən, ümumilikdə isə 16 mindən çox mənzil verilib.

Həmçinin bu dövrdə həmin kateqoriyadan olan vətəndaşların müavinət və təqaüdləri orta hesabla 2 dəfədən çox artırılıb, onların məşğulluq və reabilitasiya xidmətləri ilə təminatı istiqamətində ardıcıl tədbirlər görülüb.