17:12 - 16.09.2026

---

16 sentyabr, Fineko/abc.az. Azərbaycan Mərkəzi Bankının məlumatına görə, 2026-cı ilin ilk yarısında Azərbaycanın Qırğızıstan iqtisadiyyatına yönəltdiyi birbaşa investisiyaların həcmi illik müqayisədə 5,8 dəfə artaraq 5,22 milyon dollara çatıb.

İqtisadi İslahatların Təhlili və Kommunikasiya Mərkəzinin göstəricilərinə əsasən, iyulun 1-dək Azərbaycandan Qırğızıstana yığılmış birbaşa investisiyalar 68,8 milyon dollar, əks istiqamətdə isə 25,2 milyon dollar təşkil edib.

Bu kapital axınının əsas vasitəçisi olan Azərbaycan–Qırğız İnkişaf Fondunun portfelindəki layihələrin dəyəri iyunun sonuna 76,7 milyon dollara yüksəlib.

İnvestisiyalar əsasən energetika, tekstil, səhiyyə, tikinti və sənaye sahələrinə, o cümlədən İssık-Kuldakı “Baku Resort & Spa” hotel kompleksinə və kiçik su elektrik stansiyalarının tikintisinə yönəldilib.