12:14 - 15.09.2026

---

15 sentyabr, Fineko/abc.az. Bu ilin I yarısında Azərbaycan rezidentləri xarici ölkələrin iqtisadiyyatına 5 milyard ABŞ dolları həcmində birbaşa investisiya yatırıblar.

Azərbaycan Mərkəzi Bankının Statistika departamentinin direktoru Samir Nəsirov keçirilən brifinqdə bildirib ki, bu göstərici ötən ilin eyni dövrü ilə müqayisədə 3,7 dəfə çoxdur.

AMB rəsmisi həmçinin qeyd edib ki, hesabat dövründə xarici rezidentlər tərəfindən Azərbaycan iqtisadiyyatına yönəldilən birbaşa investisiyaların həcmi 3,7 milyard ABŞ dolları təşkil edib. Bu isə bir il əvvəlki analoji göstərici ilə müqayisədə 13,8 % artım deməkdir.