17:31 - 3.09.2026

---

3 sentyabr, Fineko/abc.az. Yanvar-iyul aylarında Azərbaycana 191 ölkədən 1 milyon 342,6 min əcnəbi və vətəndaşlığı olmayan şəxs gəlib ki, bu da ötən ilin müvafiq dövrü ilə müqayisədə 9,2 % azdır. Ölkəyə səfər edənlərin 67,4 %-ni kişilər, 32,6 %-ni isə qadınlar təşkil edib.

Ölkəmizə gələnlərin strukturunda əsas paya sahib olan ölkələr:

Rusiya: 28,3 %

Türkiyə: 20 %

İran: 7,9 %

Gürcüstan: 4,7 %

Qazaxıstan: 4,6 %

Özbəkistan və Pakistan: hər biri 3,2 %

İsrail: 3,1 % | Hindistan: 2,6 % | Çin: 2,5 % | Səudiyyə Ərəbistanı: 2,3 %

Regionlar üzrə Avropa İttifaqından gələnlərin sayı 8 % artaraq 65,9 min, MDB ölkələrindən gələnlər 1,6 % artaraq 531,3 min nəfər olub. Körfəz ölkələrindən gələnlərin sayı isə 32,8 % azalaraq 159,5 min nəfərə düşüb.

Nəqliyyat seçiminə gəlincə, ölkəyə gələnlərin 72,4 %-i hava, 26,2 %-i dəmir yolu və avtomobil, 1,4 %-i isə dəniz yolu vasitəsilə səfər edib.