16:54 - 21.10.2026

---

21 Oktyabr, Fineko/abc.az. İpoteka və Kredit Zəmanət Fondu (İKZF) tərəfindən şəxsi yığımları yetərli olmayan vətəndaşların mənzil şəraitinin yaxşılaşdırılması məqsədilə həyata keçirilən satmaq öhdəliyi ilə kirayə mexanizmi üzrə indiyədək 10 mindən artıq müqavilə rəsmiləşdirilib.

Mexanizmin əlçatanlığını artırmaq, prosesləri şəffaflaşdırmaq və sui-istifadələrin qarşısını almaq məqsədilə oktyabrın 1-dən qaydalara mühüm dəyişikliklər tətbiq olunub:

• Öhdəliyin ötürülməsi: Kirayəçi öhdəliyini yalnız müqavilə bağlandıqdan 3 il sonra başqa şəxsə ötürə bilər. Öhdəliyi ötürən şəxslər mexanizmdən yalnız 5 il sonra təkrar istifadə edə biləcəklər;
• Məhdudiyyət: Fondun vəsaiti hesabına aktiv ipoteka krediti olan borcalanlar bu mexanizmdən yararlana bilməyəcəklər;
• Kredit tarixçəsi: Yalnız "müsbət" və "qənaətbəxş" kredit tarixçəsinə malik şəxslərin müraciətləri qəbul ediləcək.

Vətəndaşlar əlavə suallarla bağlı Fondun "1549" Çağrı Mərkəzinə müraciət edə bilərlər.