11:08 - 27.08.2026

---

27 avqust, Fineko/abc.az. Azərbaycan Respublikası Dövlət Neft Şirkəti (SOCAR)  2025-ci ildə beynəlxalq aktivlər portfelini genişləndirmək strategiyası çərçivəsində bir sıra mühüm satınalmalar həyata keçirib. Şirkət Aralıq dənizində yerləşən “Tamar” qaz yatağında 10% effektiv iştirak payı qazanıb.

Yerli hasilat aktivlərinin artırılması istiqamətində isə “Bahar” və “Qum-Dəniz” yataqlarında 80%-lik iştirak payı əldə olunub. Şirkət, həmçinin rəqəmsal infrastruktur, neft-kimya və qaz ixracının genişləndirilməsi sahələrinə strateji investisiyalar yönəldib.