11:33 - 29.11.2018

---

29 noyabr, Fineko/abc.az. “Mastercard” yeni texnologiyaların tətbiqi ilə Azərbaycanda fəaliyyətini təkmilləşdirməyə davam edir.

“Mastercard”ın Azərbaycan üzrə meneceri Erdem Çakar mətbuat konfransı zamanı bildirib ki, daha bir yenilik “MasterPass” platformasının istifadəsi olacaq.

“Bu platforma Azərbaycan istifadəçiləri üçün nağdsız hesablaşma sisteminin istifadəsini maksimal şəkildə asanlaşdıracaq”, - E. Çakar belə deyib.

“MasterCard”ın “MasterPass” elektron pulqabısı, bir tərəfdən internet-bankları və elektron pulqabılarını birləşdirən, digər tərəfdən isə, onlayn mağazalar və istifadəçilərə ödəmə zamanı ödəniş və əlaqə məlumatlarını doldurmadan keçmək imkanı verən  bir platformadır.