11:54 - 20.11.2025
20 noyabr, Fineko/abc.az. İran və Rusiya ticarət, nəqliyyat və tranzit əlaqələrinin gücləndirilməsinə yönəlmiş ilk birgə dəniz konsorsiumunun yaradılması barədə razılığa gəliblər.
ABC.AZ xəbər verir ki, razılaşma 2025-ci il noyabr ayının əvvəlində Mahaçqalada Liman idarəetmə orqanlarının nümayəndələrinin, böyük logistika şirkətlərinin və hər iki ölkənin səlahiyyətlilərinin iştirakı ilə aparılan danışıqlar zamanı əldə edilib.
Müzakirədə İranın nəqliyyat nazirinin müavini, limanlar və gəmiçilik təşkilatının rəhbəri Səid Rəsuli və Rusiyanın nəqliyyat nazirinin müavini Dmitri Zverev iştirak ediblər. Konsorsiumun əsas vəzifəsi Xəzər dənizi, o cümlədən konteyner daşımaları üzrə dəniz daşımalarının təşkili, həmçinin Şimal–Cənub beynəlxalq nəqliyyat dəhlizi ilə inteqrasiya olacaq.
Diplomatlar təşəbbüsün strateji əhəmiyyətini vurğulayıblar: konsorsium gömrük prosedurlarının sadələşdirilməsinə, liman tariflərinin əlaqələndirilməsinə və zəif qorunan və tez xarab olan yüklər üçün infrastrukturun inkişafına kömək edəcək.
