10:49 - 24.10.2025

---

24 oktyabr, Fineko/abc.az. Asiya ticarət sessiyası zamanı cümə günü qızılın qiyməti cüzi azalıb. Bu, son 10 həftə ərzində ilk həftəlik enişdir. İnvestorlar son rekord həddlərdən sonra mənfəət götürür və bu gün daha sonra açıqlanacaq ABŞ inflyasiya göstəricilərini gözləyirlər.

ABC.AZ xəbər verir ki, saat 09:35-ə olan məlumata əsasən, spot qızılın qiyməti 0,4% azalaraq unsiya başına 4 109,55 dollara, ABŞ qızıl fyuçersləri isə 0,5% azalaraq 4 123,70 dollara düşüb.

Qızılın qiyməti həftənin əvvəlində 4 381,29 dollarla tarixi maksimuma çatdıqdan sonra çərşənbə axşamı 5%-dən çox ucuzlaşıb.

Gözlənilir ki, metal bu həftəni 3%-dən çox azalma ilə başa vuracaq. Bu isə pul siyasətinin yumşaldılması gözləntiləri və geosiyasi gərginlik fonunda təhlükəsiz aktivlərə olan tələblə bağlıdır.