13:00 - 4.06.2025
4 iyun, Fineko/abc.az. Yaponiya ABŞ prezidenti Donald Trampın elan etdiyi "Qızıl günbəz" raketdən müdafiə sistemi üzərində işləmək imkanını müzakirə edir.
ABC.AZ xəbər verir ki, bu barədə Nikkei bildirir. Agentliyin məlumatına görə, raketləri aşkar etmək və izləmək üçün istifadə etməyi planlaşdıran sensorlar süni intellekt və kvant texnologiyaları ilə təchiz ediləcək. Bu, Yaponiyanın texnoloji üstünlüklərindən istifadə edərək ABŞ ilə əməkdaşlıq etməsinə imkan verəcək. Bundan əlavə, Yaponiya səlahiyyətlilərinin layihədə iştirakı ABŞ ilə ticarət rüsumlarının azaldılması və ya ləğvi ilə bağlı danışıqlarda istifadə edilə bilər, deyə Nikkei qeyd edir.
ABŞ prezidenti yanvar ayında “Qızıl günbəz”in yaradılması haqqında fərman imzalamışdı. Layihəyə Kanadanın cəlb edilməsi planlaşdırılır. Proqramın dəyəri 175 milyard dollar qiymətləndirilir (bunun 25 milyard dolları artıq Konqresdə təsdiqlənmə prosesindədir), onun tam icrası üç ildən sonra, Trampın prezidentlik müddətinin sonuna qədər gözlənilir. Rusiya XİN hesab edir ki, “Qızıl günbəz” strateji sabitliyi pozur. Layihə Çin və Şimali Koreya tərəfindən də tənqid edilib.
