11:06 - 16.05.2025

---

16 may, Fineko/abc.az. Mərkəzi Rusiya, Moskva, Ural və Sibir bölgələrində dini mənsubiyyətinə baxmayaraq islam bankçılığına maraq artır.

ABC.AZ xəbər verir ki, bu barədə Rusiya Sberbankının idarəedici direktoru Behnam Qurbanzadə "Rusiya — İslam dünyası: KazanForum" forumunda bildirib.

Tərəfdaş maliyyələşdirmə təcrübəsi 2023-cü ilin sentyabrından Başqırdıstan, Tatarıstan, Çeçenistan və Dağıstanda həyata keçirilir. Dövlət Dumasına artıq onun 2028-ci ilə qədər uzadılması barədə qanun layihəsi təqdim edilib.

B.Qurbanzadənin sözlərinə görə, İslam bankçılığında təkcə müsəlmanlar maraqlı deyil — digər kateqoriyalı vətəndaşlardan da sorğular gəlir. O qeyd edib ki, vəziyyət tərəfdaş maliyyələşdirmə istifadəçilərinin 70%-dən çoxunun İslamı qəbul etmədiyi Malayziyanın təcrübəsini xatırladır.