14:31 - 3.04.2025

---

3 aprel, Fineko/abc.az. Ermənistan eyni zamanda Aİİ və Aİ-də ola bilməz, ona görə də Yerevan seçməli olacaq, - deyə Rusiya xarici işlər nazirinin müavini Mixail Qaluzin bildirib.

ABC.AZ xəbər verir ki, Rusiya Federasiyası xarici işlər nazirinin müavini qeyd edib ki, Aİİ bərabərhüquqlu subyektlər ittifaqıdır, halbuki Aİ-də "anti-Rusiya narrativlərinə tabe olan çubuq intizamı hökm sürür".

"Rəsmi Yerevan, harada olmağın daha yaxşı olduğuna qərar verməlidir", — deyə Qaluzin bildirib.

Diplomat ümidvar olduğunu bildirib ki, Aİİ-dən çıxacağı təqdirdə itirəcəkləri üstünlükləri erməni xalqına izah edəcəklər.

Xatırladaq ki, martın 26-da Ermənistan parlamenti respublikanın Avropa İttifaqına daxil olmaq fikri haqqında qanun layihəsini son oxunuşda qəbul edib.

Qeyd edək ki, martın 27-də Rusiya Baş nazirinin müavini Aleksey Overçuk bildirib ki, Yerevan "iki oturacaqda otura bilməyəcək" və Aİİ ilə Aİ arasında seçim etməli olacaq.