10:44 - 25.02.2025

---

25 fevral, Fineko/abc.az. ABŞ prezidenti Donald Trampın administrasiyası ABŞ-ın faydalı qazıntı yanacaqlarına, xüsusən də LNG-yə investisiyaları artıraraq regional müttəfiqləri Vaşinqtona bağlayaraq Şərqi Asiya ilə iqtisadi əlaqələri yenidən qurmağa çalışır.

ABC.AZ xəbər verir ki, ABŞ-ın ötən il göndərdiyi mayeləşdirilmiş təbii qazın üçdə birindən çoxu artıq Asiya ölkələrinin payına düşüb.

Yaponiyanın Trampın yeni strategiyasında iştirakı çox vacibdir, ekspertlər Reuters-ə müsahibəsində qeyd edirlər. Ölkə dünyanın ikinci LNG alıcısı, iri enerji infrastrukturu investoru və Cənub-Şərqi Asiyada Amerika qazı üçün yeni bazarlar açmağa kömək edə biləcək artıq LNG ticarət mərkəzidir.

“Tramp administrasiyası öz yolunu tutarsa, Amerikanın mayeləşdirilmiş qazı çox həcmdə Yaponiya və Cənubi Koreyaya axacaq və daha irəli axacaq... Bu şəkildə Cənub-Şərqi Asiya iqtisadi cəhətdən ABŞ-dan asılı olacaq”, —  “Hudson İnstitute” Yaponiya analitik mərkəzinin rəhbəri Kennet Vaynşteyn Reuters-ə verdiyi müsahibədə deyib.