09:04 - 13.08.2026

---

13 avqust, Fineko/abc.az. Dünya bazarında neft qiymətləri 2026-cı il üçün qlobal tələbat proqnozlarının aşağı salınması fonunda 1 dollardan çox ucuzlaşıb. Bununla belə, İran münaqişəsi ilə bağlı təchizat riskləri qiymətlərin daha kəskin düşməsinin qarşısını alıb.

"Brent" markalı neftin oktyabr fyuçersləri 1,5% ucuzlaşaraq 87,69 dollara, ABŞ-ın WTI markalı nefti isə 1,6% geriləyərək 81,97 dollara düşüb.

Qiymətlərə təsir edən əsas amillər:

• OPEC və BEY-in tələbat proqnozları: OPEC aylıq hesabatında 2026-cı il üçün qlobal neft tələbatı artımı təxminini gündəlik 580 min barelə endirib. Beynəlxalq Enerji Agentliyi (BEA) isə hərbi əməliyyatların yanacaq tədarükünü məhdudlaşdırması səbəbindən bu il qlobal neft istehlakının gündəlik 1,6 milyon barel azalacağını proqnozlaşdırır (əvvəlki proqnoz 1 milyon barel azalma idi).

• ABŞ-da ehtiyatların rekord artımı: Enerji İnformasiya Administrasiyasının (EIA) məlumatına görə, 7 avqustda başa çatan həftədə ABŞ-ın kommersiya neft ehtiyatları kəskin şəkildə 17,4 milyon barel artaraq 424,4 milyon barelə çatıb. Bu, 2023-cü ilin yanvarından bəri ən böyük həftəlik artımdır.