12:08 - 6.05.2024
6 may, Fineko/abc.az. Benzinə qlobal tələbatın artması 2024-cü ildə yarıya enə bilər ki, bu da ilin ikinci yarısında neft emalı zavodlarının gəlirliliyinin azalmasına səbəb olacaq.
ABC.AZ xəbər verir ki, Reuters bu barədə yazır.
Bu, Çin və ABŞ-da elektromobillərə keçid və keçən il COVID-19 pandemiyasının yaratdığı sıçrayışdan sonra adi istehlak səviyyəsinə qayıtmaqla bağlıdır.
Wood Mackenzie konsaltinq şirkətinin proqnozuna görə, tələb gündə 340 min barel artacaq və 2024-cü ildə 26,5 milyon barel təşkil edəcək ki, bu da 2020-ci ildən etibarən ən aşağı göstəricidir. Müqayisə üçün qeyd edək ki, ötən il tələb sutkada 700 min barel artmışdı.
Azalmanın səbəbi Çinin nəqliyyat yanacağına tələbatın maksimuma çatdığı nöqtəyə yaxınlaşmasıdır.
