09:45 - 3.05.2024
3 may, Fineko/abc.az. Neftin etalon markalarının qiymətləri cümə günü hərracda yüksəlir, lakin həftəni enişlə başa vurur.
Londonun ICE Futures birjasında Brent markalı neftin iyul fyuçerslərinin qiyməti 09:40-a qədər $0,30 (0,36%) artaraq bir barel üçün $83,97-a yüksəldi. Mayın 2-də Brent markalı neftin iyul fyuçersləri $0,23 (0,28%) artaraq bir barel üçün $83,67-a çatıb.
Nyu-York əmtəə birjasının (NYMEX) elektron ticarətində WTI neftinin iyun fyuçerslərinin qiyməti 09:40-a qədər $0,29 (0,37%) artaraq bir barel üçün $79,24-a çatıb. Mayın 2-də keçirilən hərracların nəticələrinə görə, WTI neftinin iyun fyuçerslərinin dəyəri $0,05 (0,06%) azalaraq bir barelə $78,95-a düşüb.
Bu həftənin əvvəlindən Brent markalı neft 4,9%, WTI nefti isə 5,6% ucuzlaşıb.
