10:22 - 6.03.2024

---

6 mart, Fineko/abc.az. Neftin etalon markalarının qiyməti dünənki enişdən sonra çərşənbə günü hərracda yüksəlir.

London ICE Futures birjasında Brent markalı neftin may fyuçerslərinin qiyməti saat 09:46 – a qədər $0,26 (0,32%) artaraq bir barel üçün $82,30-a çatıb. Martın 5 - də keçirilən hərracların nəticələrinə görə, Brent markalı neftin may ayında fyuçersləri $0,76 (0,92%) ucuzlaşaraq bir barel üçün $82,04-a çatıb.

Nyu-York əmtəə birjasının (NYMEX) elektron ticarətində WTI neftinin aprel fyuçerslərinin qiyməti 09:46 – a qədər $0,26 (0,33%) artaraq bir barel üçün $78,41-a çatdı. Martın 5 - də aparılan hərracların nəticələrinə görə, aprel ayı üçün neft fyuçerslərinin qiyməti $0,59 (0,75%) azalaraq bir barel üçün $78,15-a düşüb.