16:30 - 22.02.2024

---

22 fevral, Fineko/abc.az. Kultivasiya edilən ətin qadağan edilməsi haqqında qanun layihəsi ABŞ-ın Alabama ştatının senatı tərəfindən qəbul edilib. İndi qanun layihəsi Nümayəndələr Palatasına göndəriləcək.

ABC.AZ xəbər verir ki, qanuna əsasən, cənubi ştatda kultivasiya edilən ətin istehsalı, satışı və ya paylanması cinayət hesab ediləcək.

“Bizdə çoxlu mal-qara və toyuq var. Bu məhsulu buraya gətirmək üçün heç bir səbəbimiz yoxdur”, — deyə senatorlardan biri Cek Uilyams bildirib.

Alabamada dörd ay əvvəl patogen quş qripi səbəbindən təxminən 48.000 quşun öldürüldüyü bir quşçuluq fermasının olduğunu da xatırlatdılar.