14:10 - 18.01.2023

---

18 yanvar, Fineko/abc.az. Türkiyənin "ATIŞ YAPI Sənaye Ticarət" şirkəti Azərbaycanda ofis açmaq istəyir.

ABC.AZ xəbər verir ki, bu barədə İxracın və İnvestisiyaların Təşviqi Agentliyi (AZPROMO) məlumat yayıb.

Belə ki, AZPROMO-da şirkət nümayəndələri ilə keçirilən görüşdə müzakirə olunub.

AZPROMO-nun icraçı direktorunun müavini Zöhrab Qədirov Azərbaycandakı ticarət və investisiya imkanları, Agentliyin fəaliyyət istiqamətləri, sahibkarlara göstərdiyi dəstək tədbirləri barədə məlumat verib.

"ATIŞ YAPI Sənaye Ticarət" şirkətinin turizm və xidmət sektoru üzrə direktoru Ramazan Özgür isə inşaat, maliyyə, turizm, İT, mebel satışı sahələrində fəaliyyət göstərdiklərini bildirib, həyata keçirilən layihələr, Azərbaycanda ofis açılması niyyətləri barədə məlumat verib.

Görüşdə Türkiyə şirkətinin ölkəmizdə fəaliyyətinin təşkili edilməsi istiqamətində əməkdaşlıq barədə fikir mübadiləsi aparılıb.