12:26 - 16.12.2021

---

16 dekabr, Fineko/abc.az. “MİDA” MMC Hünər İnşaat Firması və Conco QSC ilə 14 milyon manatlıq müqavilə bağlayıb.

ABC.AZ-ın məlumatına görə, Hünər İnşaat Firması ilə bağlanmış müqaviləyə əsasən 7, 8 və 9 nömrəli 9 mərtəbəli 1 bloklu yaşayış binalarının və 1 mərtəbəli qeyri-yaşayış binasının tikiləcək.

Müqavilənin dəyəri isə 6 806 445 manatdır.

"Conco QSC ilə bağlanmış müqavilədə isə 4, 5 və 6 nömrəli 9 mərtəbəli 1 bloklu yaşayış binalarının və 1 mərtəbəli qeyri-yaşayış binasının tikintisi nəzərdə tutulur. Müqavilənin məbləği isə 6 645 194 manatdır.

Qeyd edək ki, binalar Sumqayıt şəhəri, M.Hüseynzadə adına şəhər stadionunun şimal-şərqində 2,0 ha torpaq sahəsində tikilir.