15:44 - 30.10.2026

---

30 oktyabr, Fineko/abc.az. ABŞ-ın e-ticarət nəhəngi "Amazon" 2026-cı ilin üçüncü rübündə net satışlarını 201,9 milyard dollara çatdıraraq illik müqayisədə 12% artım əldə edib.

Şirkətin maliyyə hesabatına əsasən, ötən ilin analoji dövründə 21,2 milyard dollar olan xalis mənfəət bu ilin 3-cü rübündə 2,4% azalaraq 20,7 milyard dollara geriləyib. Həmçinin bir səhmə düşən mənfəət 1,95 dollardan 1,89 dollara düşüb.

"Amazon" cari ilin son rübündə satışların 240-247 milyard dollar arasında olacağını proqnozlaşdırır, illik kapitallaşma xərcləri hədəfini isə təxminən 220 milyard dollar səviyyəsində saxlayıb.