12:16 - 3.03.2020

---

3 mart, Fineko/abc.az. Maliyyə naziri Samir Şərifov Vaşinqtona səfər edib.

Maliyyə Nazirliyindən ABC.AZ-a verilən məlumata görə, nazir Beynəlxalq Valyuta Fondunun Yaxın Şərq və Mərkəzi Asiya departamentinin rəhbəri Cihad Azur, həmçinin Dünya Bankının vitse-prezidenti Siril Müller ilə görüşüb. Görüşdə gələcək əməkdaşlıq planları barədə müzakirələr aparılıb.

 Səfər çərçivəsində S.Şərifov ABŞ-ın dövlət katibinin iqtisadiyyat və biznes məsələləri üzrə köməkçisinin birinci müavini və Azərbaycan-ABŞ İqtisadi Tərəfdaşlıq Komissiyasının ABŞ tərəfindən həmsədri Peter Xaas ilə də görüşüb. Görüşdə Hökumətlərarası Komissiyanın növbəti iclasının 2020-ci ilin payızda Vaşinqtonda keçirilməsi və iqtisadi əməkdaşlıq çərçivəsində qarşılıqlı maraq kəsb edən digər məsələlər müzakirə edilib.

Müəllif: Elmir Murad