14:00 - 29.08.2026

---

29 avqust, Fineko/abc.az. İnstitusional investorlar Asiya regionunda özəl kredit (private credit) bazarına ayırdıqları kapitalın həcmini sürətlə artırırlar. Qlobal bazarın hələlik kiçik bir hissəsini təşkil etməsinə baxmayaraq, investisiya menecerləri regiondakı mövqelərini genişləndirməyə davam edirlər.

Bu tendensiya çərçivəsində "Granite Asia" ümumasiya strategiyası üçün 500 milyon dollardan çox vəsait toplayıb, "Partners Group" isə region üzrə 1 milyard dollarlıq yeni idarəetmə mandatı əldə edib.

Mütəxəssislərin fikrincə, Asiyada ənənəvi bank kreditləşməsinə alternativ olaraq özəl kredit fondlarına tələbatın artması iri beynəlxalq investorların diqqətini bu bazara cəlb edir.