11:00 - 29.08.2026

---

29 avqust, Fineko/abc.az. Cümə günü səhər hərraclarında "PayPal"ın səhmləri 12% dəyər itirərək 54,26 dollara düşüb. Buna "Advent International" özəl investisiya şirkəti və "Stripe" ödəniş prosessorundan ibarət konsorsiumun "PayPal"ı satınalma planlarından imtina etməsi barədə xəbərlər səbəb olub.

Məlumata görə, konsorsium iyul ayında "PayPal" üçün səhm başına 60,50 dollar olmaqla ümumilikdə 53 milyard dollarlıq təklif irəli sürmüşdü. Lakin "PayPal"ın Direktorlar Şurası bu məbləği yetərsiz hesab edib. Tərəflər arasında şirkətin dəyərləndirilməsi ilə bağlı fikir ayrılığı və iri sövdələşmənin üzləşə biləcəyi tənzimləyici maneələr planın təxirə salınmasına gətirib çıxarıb.

İndi diqqətlər şirkətin yeni baş icraçı direktoru Enrike Loresin rəhbərliyi altında həyata keçirilən dönüş strategiyasına yönəlib.