12:15 - 15.01.2020

---

15 yanvar, Fineko/abc.az. Azərbaycan Mərkəzi Bankı (AMB) banklar üçün 150 mln. manat cəlb edib.

“AMB yanvarın 15-də növbəti depozit hərracı keçirib və bu hərracda 150 mln. manat cəlb edib.  Hərrac zamanı tələb 757 mln. manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 5,76% təşkil etmişdir”, - deyə AMB-dən bildiriblər.

Vəsaitlər 28 gün müddətinə cəlb edilib.   

AMB 2016-cı ilin iyun ayından depozit hərraclarının keçirilməsinə başlayıb.