15:55 - 5.11.2019

---

5 noyabr, Fineko/abc.az. “PAŞA Bank” ASC 2019-cu ilin 9 ayını (yanvar-sentyabr) 64 milyon 596 min manat xalis mənfəətlə başa vurub.

ABC.AZ xəbər verir ki, bu barədə məlumat bankın bu ilin 9 ayı üçün açıqladığı maliyyə göstəricilərində qeyd olunub.

Müqayisə üçün qeyd edək ki, ötən ilin eyni dövrü ilə müqayisədə bankın xalis mənfəəti 14 milyon 167 min manat və ya 28% artıb. Belə ki, “PAŞA Bank” 2018-ci ilin 9 ayını 50 milyon 429 min manat xalis mənfəətlə bağlamışdı. 2018-ci ilin 9 ayı ilə müqayisədə 2019-cu ilin analoji dövründə “PAŞA Bank”ın cəmi gəlirləri 51 milyon 549 min manat və ya 35% artaraq 198 milyon 164 min manat təşkil edib. “PAŞA Bank” 2018-ci ilin 9 ayı ərzində 146 milyon 615 min manat cəmi gəlir əldə etmişdi. “PAŞA Bank”ın faiz gəlirləri 22 milyon 145 min manat və ya 17,8% artaraq 146 milyon 408 min manat, qeyri-faiz gəlirləri isə 29 milyon 404 min manat və ya 2,3 dəfə artaraq 51 milyon 756 min manat təşkil edib. 2018-ci ilin 9 ayı ilə müqayisədə 2019-cu ilin 9 ayında “PAŞA Bank”ın cəmi xərcləri 12 milyon 161 min manat və ya 12,8% artaraq 107 milyon 48 min manat təşkil edib.  2018-ci ilin 9 ayı ərzində “PAŞA Bank”ın cəmi xərcləri 94 milyon 887  min manat təşkil etmişdi. “PAŞA Bank”ın gəlirlərinin xərclərindən daha çox artması əməliyyat mənfəətinin də artmasını təmin edib. 2019-cu ilin 9 ayında “PAŞA Bank”ın əməliyyat mənfəəti  88 milyon 816 min manat təşkil edib. Bank əməliyyat mənfəətindən 13 milyon 89 min manat aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırıb, həmçinin 11 milyon 114 min manat mənfəət vergisi ödəyib.

Nətcədə, Bankın 64 milyon 596 min manat xalis mənfəəti yaranıb.

Müəllif: Elmir Murad