15:32 - 24.09.2026

---

24 Sentyabr, Fineko/abc.az. ABŞ Federal Məhkəməsi Prezident Donald Trampın ölkənin aparıcı media qurumlarından olan CNN, MS NOW və Politico-nun Beyaz Saraya girişinə qoyduğu yasağı hüquqa zidd hesab edib.

Məhkəmə iddiası üç media qurumunun həftəsonu tətbiq edilən yasaqdan sonra Vaşinqtondakı federal məhkəməyə müraciət etməsi ilə başlayıb. Jurnalistlər Tramp administrasiyasının bu addımının ABŞ Konstitusiyasında təsbit olunmuş söz və mətbuat azadlığı prinsiplərini, eləcə də ədalətli mühakimə olunma hüququnu kobud şəkildə pozduğunu bildirərək hüquqi mübarizə yekunlaşana qədər müvəqqəti tədbir görülməsini tələb etmişdilər.

Məhkəmə  jurnalistlərin xeyrinə qərar çıxararaq Tramp rəhbərliyinə ləğv edilmiş mətbuat kartlarını dərhal iadə etməyi əmr edib. Qərara əsasən, səlahiyyətlilərin bu qadağanı tətbiq etməsi 14 gün müddətinə dayandırılıb.