15:27 - 23.09.2026

---

23 Sentyabr, Fineko/abc.az. "Apple" korporativ müştərilərə süni intellekt (AI) tapşırıqlarını icra etmək üçün bulud data mərkəzlərini icarəyə götürməkdən daha əlverişli olan yeni "Mac Mini" və "Mac Studio" kompyuterlərini təqdim edib.

Qiyməti 20 000 dollar yaxın olan bu cihazlar "Microsoft" və "Nvidia"nın dominantlıq etdiyi bulud infrastrukturu modelinə alternativ kimi mövqeləndirilir.  Şirkətin aparat təminatı üzrə vitse-prezidenti Conni Srouci bildirib ki, "Apple Silicon" çiplərinin Vahid Yaddaş Arxitekturası (Unified Memory) sayəsində AI modellərini yerli cihazda işlətmək "OpenAI" və ya "Anthropic" kimi bulud provayderlərinə hər sorğu üçün ödəniş etmək zərurətini aradan qaldırır.

Bununla belə, "Apple" korporativ AI bazarında ciddi rəqabətlə üz-üzədir. "IDC" analitiklərinin məlumatına görə, "Windows" əməliyyat sistemi korporativ masaüstü kompyuterlər bazarının 91,3%-nə sahib olduğu halda, "Apple"ın payı cəmi 4,6% təşkil edir.

"Microsoft" öz növbəsində "unmetered intelligence" (məhdudiyyətsiz AI) konsepsiyası çərçivəsində "Windows ML" alətləri ilə eyni bazara iddia edir, "Nvidia" isə data mərkəzlərindəki liderliyini qoruyub saxlayır.