10:58 - 24.09.2026

---

24 Sentyabr, Fineko/abc.az. "Microsoft" korporasiyası Fars körfəzi ölkələrində rəqəmsal infrastrukturu və süni intellekt (AI) imkanlarını genişləndirmək məqsədilə regiona 10 milyard dollardan  çox sərmayə yatırmağı planlaşdırır.

Layihə çərçivəsində əsas diqqət infrastrukturun kiber-davamlılığının  artırılmasına, regional data mərkəzlərinin təhlükəsizliyinin gücləndirilməsinə və bulud texnologiyalarının inkişafına yönəldiləcək. Şirkətin bu addımı regionun rəqəmsal transformasiyasını sürətləndirməklə yanaşı, tərəfdaş dövlətlərin kritik informasiya sistemlərinin kənar kiber-təhdidlərdən qorunmasını təmin etməyi hədəfləyir.

Məlumata görə, investisiya proqramı BƏƏ və Səudiyyə Ərəbistanı kimi aparıcı Körfəz ölkələrini əhatə edəcək.

Analitiklər vurğulayır ki, "Microsoft"un bu həmləsi regionda "Google Cloud" və "Amazon Web Services" (AWS) ilə rəqabəti daha da kəskinləşdirəcək.