11:44 - 25.08.2026

---

25 avqust, Fineko/abc.az. Bu axşam saat 20:45-də "Sabah" futbol klubunun UEFA Konfrans Liqası çərçivəsində "Hapoel"ə (İsrail, Beer-Şeva) qarşı Tofiq Bəhramov adına Respublika stadionunda keçirəcəyi cavab oyunu ilə əlaqədar "Bakı Metropoliteni" QSC-nin iş rejimində dəyişiklik olunacaq.

Matç penaltilər seriyasına qədər uzanacağı təqdirdə, metropolitenin iş saatı uzadılaraq stansiyalar gecə saat 01:00-a qədər sərnişinlərin girişinə açıq olacaq.

Təhlükəsizlik və hərəkətin təşkili üzrə tədbirlər:

• "Gənclik" stansiyası: Azarkeş axınını nəzərə alaraq gücləndirilmiş iş rejimində fəaliyyət göstərəcək və növbətçilik əsasında əlavə köməkçi işçi qüvvəsi cəlb olunacaq.

• Ehtiyat qatarlar: Zərurət yarandıqda xəttə buraxılmaq üçün ehtiyat qatarlar hazır vəziyyətdə saxlanılacaq.

• Əlavə tədbirlər: "Nərimanov" və "28 May" stansiyalarında da sərnişin sıxlığının idarə olunması üçün müvafiq tədbirlər görüləcək. Gün ərzində qatarların hərəkəti mövcud qrafik üzrə davam edəcək.