14:41 - 22.07.2026

---

22 iyul, Fineko/abc.az. Azərbaycanda mənzil bazarında qiymət artımı davam etsə də, artım tempi əvvəlki rüblərlə müqayisədə zəifləyib.

ABC.AZ Dövlət Statistika Komitəsinə istinadən xəbər verir ki, 2026-cı ilin II rübündə mənzil bazarında qiymətlər əvvəlki rüblə müqayisədə 1,6% artıb.

Halbuki, 2026-cı ilin I rübündə artım 2,2%, 2025-ci ilin IV rübündə isə 3,1% olmuşdu.

İlkin mənzil bazarında da artım tempi zəifləyib. Belə ki, qiymətlər 2025-ci ilin IV rübündə 4,3%, 2026-cı ilin I rübündə 1,8%, 2026-cı ilin II rübündə isə 2,6% artıb.

Təkrar mənzil bazarında isə qiymət artımı daha nəzərəçarpacaq şəkildə yavaşıyıb. Bu seqmentdə qiymətlər 2025-ci ilin IV rübündə 3,0%, 2026-cı ilin I rübündə 2,2%, 2026-cı ilin II rübündə isə 1,5% artıb.

Bununla belə, illik müqayisədə mənzil qiymətlərində yüksək artım davam edir. 2026-cı ilin II rübündə ümumi mənzil bazarında qiymətlər ötən ilin eyni dövrü ilə müqayisədə 8,6%, ilkin bazarda 12,4%, təkrar bazarda isə 8,6% yüksəlib.