16:09 - 6.07.2026
6 iyul, Fineko/abc.az. Bu ilin yanvar-iyun aylarında İqtisadiyyat Nazirliyi yanında Dövlət Vergi Xidmətinin xəttilə dövlət büdcəsinə 8 milyard 842,7 milyon manat vergi daxil olub.
Bu barədə qurumdan məlumat verilib. Bu, ötən ilin eyni dövrü ilə müqayisədə 2,5 % çox, proqnozdan isə 1,6 % çoxdur.
6 aylıq vergi daxilolmalarının 7 milyard 67,4 milyon manatı qeyri-neft-qaz sektorunun payına düşüb. Bu isə 1 il əvvələ nisbətən 10,1 %, proqnozdan isə 2,9 % çoxdur.
Xatırladaq ki, bu il Dövlət Vergi Xidməti büdcəyə 16,91 milyard manat vəsait köçürməlidir.
