12:13 - 10.06.2026

---

10 iyun, Fineko/abc.az. ABŞ Enerji İnformasiyası Administrasiyası (EIA) Azərbaycanda neft və digər maye karbohidrogenlərin hasilatına dair rəsmi proqnozunu açıqlayıb.

ABC.AZ qurumun qısamüddətli enerji hesabatına istinadən xəbər verir ki, ölkədə orta sutkalıq hasilat 2025-ci il üçün qiymətləndirilən 0,57 milyon barel səviyyəsindən 2026-cı ildə 0,55 milyon barelə, 2027-ci ildə isə 0,52 milyon barelə enəcək.

Qurumun hesablamalarına əsasən, 2026-cı ildə hasilat birinci rübdə orta hesabla günə 0,56 milyon barel, ikinci rübdə 0,55 milyon barel, üçüncü və dördüncü rüblərdə isə sutkada 0,54 milyon barel səviyyəsinə düşəcək. Oxşar azalma dinamikasının 2027-ci ildə də davam edəcəyi gözlənilir; belə ki, həmin ilin birinci rübündə hasilatın günə 0,53 milyon barel, ikinci və üçüncü rüblərdə 0,52 milyon barel, dördüncü rübdə isə sutkada 0,51 milyon barel təşkil edəcəyi proqnozlaşdırılır.