11:33 - 10.03.2026

---

10 mart, Fineko/abc.az. Bu ilin yanvar ayında Bakıda pərakəndə ticarət dövriyyəsinin həcmi 3 milyard 221,4 milyon manat olub.

ABC.AZ xəbər verir ki, Bakı şəhər Statistika İdarəsindən məlumat verilib.

Bildirilib ki, bu, 2025-ci ilin yanvar ayı ilə müqayisədə 4,3 % çoxdur.

Ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin yanvar-oktyabr ayları ilə müqayisədə 5,6 % artaraq 1 milyard 781,8 milyon manata, qeyri-ərzaq məhsullarının həcmi isə 2,8 % artaraq 1 milyard 439,6 milyon manat olub.

Əvvəlki ilin eyni dövrü ilə müqayisədə cari ilin yanvar ayında pərakəndə ticarət dövriyyəsi real ifadədə müəssisələr üzrə 0,6 % azalıb, fərdi sahibkarlar, bazar və yarmarkalarda isə 7 % artıb.

İstehlak məhsullarının 33,6 %-i hüquqi şəxs statuslu müəssisələrdə, 58 %-i fərdi sahibkarlara məxsus ticarət obyektlərində, 8,4 %-i isə paytaxtın məhsul bazarlarında satılıb.