14:56 - 21.10.2025
21 oktyabr, Fineko/abc.az. Nyu-Yorkdakı birjada arabika qəhvəsinin qiymətləri, Braziliya arabika ehtiyatlarının Intercontinental Exchange anbarlarında beş illik minimuma endirilməsi fonunda 3,2% artaraq funtu 4,10 dollara yüksəlib.
ABC.AZ xəbər verir ki, birja məlumatlarına görə, Braziliyadan gələn qəhvə ehtiyatları 20% azalaraq cəmi 26.896 çuval təşkil edib — bu, 2020-ci ilin oktyabr ayından bəri minimum göstəricidir.
Bloomberg-in qeyd etdiyi kimi, ABŞ prezidenti Donald Trampın Braziliya qəhvəsinin idxalına 50 faiz rüsum tətbiq etmək qərarı bazara əlavə təzyiq göstərib. Belə ki, amerikalı treyderlər yeni müqavilələr bağlamaqdan çəkinirlər.
Arabika fyuçers qiymətlərinin qalxması Braziliya qəhvəsinin tarixən aşağı ehtiyatlarından qaynaqlanır və əmtəə bazarında dəyişkənliyi artırır.
