16:50 - 26.08.2025

---

26 avqust, Fineko/abc.az. Azərbaycan ABŞ şirkətləri üçün investisiya cəlbediciliyini qoruyub saxlayır.

Bunu Nazirlər Kabinetində keçirilən Prezident İlham Əliyevin Vaşinqton səfərinə həsr olunmuş xüsusi iclasında iqtisadiyyat naziri Mikayıl Cabbarov deyib.

“Azərbaycanda kənd təsərrüfatı, sənaye, nəqliyyat, tikinti, ticarət sahələrində 300 ABŞ investisiyalı kommersiya qurumu qeydiyyata alınıb. Onlardan 220-si aktiv fəaliyyət göstərir”, - deyə nazir əlavə edib.