10:37 - 3.06.2025

---

3 iyun, Fineko/abc.az. Milyarder İlon Maskın sahib olduğu ABŞ startapı Neuralink beyin implantlarının inkişafına 650 milyon dollar cəlb edib.

ABC.AZ xəbər verir ki, Bloomberg bu barədə yazır.

Neuralink-in yeni maliyyələşdirmə mərhələsində ARK Investment Management, Founders Fund və Sequoia Capital da daxil olmaqla ən azı 11 investisiya şirkəti iştirak edib. Pitchbook-un məlumatına görə, Neuralink-in kapital yığımının son raundunu nəzərə almadan 9 milyard dollar dəyərində qiymətləndirilib.

Mask, əldə etdiyi vəsaiti "bioloji və süni intellekt arasındakı əlaqəni dərinləşdirəcək" yeni cihazların inkişafına yönəltməyi planlaşdırır.