11:51 - 27.05.2025

---

27 may, Fineko/abc.az. Yaponiya xaricdəki aktivlərinin rekord həddə çatmasına baxmayaraq, son 34 ildə ilk dəfə olaraq dünyanın ən böyük kreditor ölkəsi mövqeyini itirib.

ABC.AZ xəbər verir ki, çərşənbə axşamı Yaponiya Maliyyə Nazirliyinin verdiyi məlumata görə, ölkənin xalis xarici aktivləri 2024-cü ilin sonuna qədər 533.05 trilyon yen (3.7 trilyon ABŞ dolları) təşkil edib ki, bu da əvvəlki illə müqayisədə 13% çoxdur.

Xalis xarici aktivləri 569.7 trilyon yen təşkil edən Almaniya ikinci, 516.3 trilyon yen aktivləri olan Çin isə üçüncü yerdə qərarlaşıb.

Almaniyanın böyüməsi güclü ticarət göstəriciləri sayəsində 2024-cü ildə 248.7 milyard avroya çatan böyük cari hesab profisitindən qaynaqlanır. Eyni zamanda, Yaponiyanın müsbət saldosu 29.4 trilyon yen təşkil edib ki, bu da təxminən 180 milyard avroya bərabərdir. Ötən il avro yen qarşısında təxminən 5% bahalaşaraq, yen baxımından yapon aktivlərinə nisbətən alman aktivlərinin artımını yüksəldib.