11:37 - 15.05.2025

---

15 may, Fineko/abc.az. İsrailin İnnovasiyalar İdarəsi, Arkadiy Voloj tərəfindən təsis olunan Nebius şirkətini milli superkompüterin inşası üçün seçib.

ABC.AZ xəbər verir ki, layihənin dəyəri 140 milyon dollar olaraq qiymətləndirilir, bunun təxminən 45 milyon dollarını dövlət maliyyələşdirəcək.

Sisteminin hesablama gücü 16 min petaflops təşkil edəcək ki, bu da tender tələblərindən 4 dəfə çoxdur. Mərkəzin 2026-cı ildə istifadəyə verilməsi planlaşdırılır.