17:23 - 20.11.2024

---

20 noyabr, Fineko/abc.az. Azərbaycanda unun topdansatış qiyməti son iki ayla müqayisədə artıb.

ABC.AZ xəbər verir ki, sentyabrın 5-dən sonra unun topdansatış qiyməti stabil qalsa da, sonradan artım qeydə alınıb.

Hətta avqustun 12-dən etibarən istehsalçılar unun qiymətini bir manatadək azaltmışdılar.

Son iki ayla müqayisədə hazırda unun topdansatış qiymətində 0,5-1 manat artım müşahidə olunur. Açıqlanan rəsmi məlumatda ölkədə hazırda 50 kq-lıq unun topdansatış qiyməti 26,2 - 28,2 manat aralığında dəyişir. Sentyabr-oktyabr aylarında bu rəqəm 25,3 - 27,5 manat arasında dəyişib.

Ən ucuz un növü "Dəvəçi-Taxıl" MMC, ən bahalısı isə "Azeri-Arapoğlu U.S.və T.LTD" BM tərəfindən bazara təqdim olunur.