14:58 - 18.11.2024

---

18 noyabr, Fineko/abc.az. Türkiyədə ilk "Akkuyu" AES-in istifadəyə verilməsi atmosferə ildə təxminən 35 milyon ton karbon qazı tullantılarını azaldacaq.

ABC.AZ xəbər verir ki, bu barədə Türkiyə Energetika Nazirliyinin rəhbəri Alparslan Bayraktar rəhbərlik etdiyi nazirliyin 2025-ci il büdcəsini Respublika parlamentində təmsil edərkən bildirib.

"Akkuyu AES-in tam istismara verilməsi ilə Türkiyənin elektrik enerjisinə olan tələbatının 10% - ni ödəyə biləcək. Bu, həm də ildə təbii qaz idxalını 7 milyard dollar azaldacaq və atmosferə təxminən 35 milyon ton karbon qazı tullantılarını azaldacaq", - deyə o bildirib.

Bayraktar, həmçinin Türkiyə hakimiyyətinin 2030-cu ilə qədər enerji səmərəli istehsala 20 milyard dollardan çox sərmayə qoymağı planlaşdırdığını, bu da 15 il ərzində 46 milyard dollar qənaət edəcəyini bildirdi.