"Azərkosmos” işçilərini 85 min manata sığortalayacaq

14:04 - 6.02.2024

6 fevral, Fineko/abc.az. Kosmik Agentlik (Azərkosmos)” publik hüquqi şəxs “Azərbaycan Sənaye Sığorta” ASC ilə müqavilə bağlayıb. 

ABC.AZ xəbər verir ki, müqavilədə işçilərin könüllü sığorta xidmətinin satın alınması nəzərdə tutulur.

Müqavilənin dəyəri isə 84 500 AZN təşkil edir. Sığortanın müddəti 1 ildir. Sığortalanmış şəxslərin sayı 260 nəfərdir. Bir nəfər üçün bir illik sığorta məbləği ən azı 10000 manat təşkil edir.