14:21 - 17.09.2026

---

17 sentyabr, Fineko/abc.az. Bu ilin yanvar-avqust aylarında Azərbaycanda 223,2 min ton metanol (metil spirti) istehsal edilib ki, bu da ölkənin Dövlət Statistika Komitəsinin məlumatına əsasən, 2025-ci ilin müvafiq dövrü ilə müqayisədə 29,8 % azdır. Sentyabrın 1-i vəziyyətinə ölkədə 37 min ton hazır məhsul qalığı qeydə alınıb.

Metanol Bakının Qaradağ rayonunda yerləşən SOCAR-ın Metanol Zavodunda istehsal olunur. 2013-cü ildə istismara verilən müəssisə 2016-cı ildən "SOCAR Metanol" MMC-nin idarəçiliyində fəaliyyət göstərir və 2017-ci ilin avqustundan şirkətin mülkiyyətinə keçib. Xammal olaraq təbii qaz və duzsuzlaşdırılmış sudan istifadə edən zavodun illik istehsal gücü 650-700 min ton təşkil edir.