12:36 - 6.12.2023

---

6 dekabr, Fineko/abc.az. Ukraynada müharibənin başladığı 2022-ci il fevralın 24 tarixindən sonra Gürcüstana daimi və ya müvəqqəti yaşayış icazəsi ilə gələn Rusiya vətəndaşları tərəfindən 1 550 şirkət qeydiyyatdan keçirilib. 

ABC.AZ Apa-ya istinadən xəbər verir ki, bu barədə Gürcüstanın Ədliyyə Nazirliyindən bildirilib.

Məlumata görə, sözügedən şirkətlərin təsis olunmasında Rusiya Federasiyasının vətəndaşı olan 1 957 nəfər iştirak edib və mülkiyyət hüququ onlara məxsusdur.

Ümumilikdə isə sözügedən dövr ərzində 25 689 Rusiya vətəndaşı Gürcüstanda fərdi sahibkar kimi qeydiyyata alınıb.